Pisa stefnir upp í efstu deild á Ítalíu og byrjaði umspilið á því að tapa naumlega á erfiðum útivelli Benevento.
Staðan var markalaus allt þar til á 85. mínútu þegar Gianluca Lapadula skoraði fyrir heimamenn.
Pisa er að glíma við mikil meiðslavandræði í vörninni og átti Hjörtur Hermannsson að byrja slaginn mikilvæga sem fór fram í kvöld.
Hjörtur meiddist fimm dögum fyrir leik en meiðslin eru ekki alvarleg. Hann er tæpur fyrir seinni undanúrslitaleikinn á laugardaginn en ætti að ná úrslitaleiknum ef Pisa kemst áfram.
Pisa er að reyna að koma sér upp í efstu deild í fyrsta sinn síðan 1991, en félagið hefur tvisvar sinnum farið á hausinn síðan og verið endurstofnað.
Bjarki Steinn Bjarkason var þá ónotaður varamaður er Catanzaro sigraði útileik gegn Monopoli í umspili C-deildarinnar til að komast upp í B-deildina.
Monopoli leiddi í hálfleik en Pietro Iemmello, sem á sjö mörk í Serie A, setti tvennu fyrir Catanzaro eftir leikhlé og skóp dýrmætan sigur.
Liðin eiga eftir að spila á heimavelli Catanzaro en leiðin upp í næstu deild er enn löng þó að Bjarki og félagar komist í gegnum þessa viðureign.
Benevento 1 - 0 Pisa
1-0 Gianluca Lapadula ('85)
Monopoli 1 - 2 Catanzaro
1-0 O. Viteritti ('33)
1-1 Pietro Iemmello ('70)
1-2 Pietro Iemmello ('77)
Rautt spjald: S. Scognamillo, Catanzaro ('94)