Í síðustu umferð voru Lyngby-mennirnir Andri Lucas Guðjohnsen og Sævar Atli Magnússon í liði umferðarinnar.

Íslendingarnir hafa verið að gera það gott í dönsku úrvalsdeildinni á tímabilinu.

Í 30. umferðinni skoraði Stefán Teitur sigurmark Silkeborg í 1-0 sigri á AGF.

Stefán elskar að mæta AGF en fyrir átta dögum var hann einmitt valinn besti leikmaðurinn er Silkeborg vann AGF með sömu markatölu í úrslitum danska bikarsins.

Skagamaðurinn fær sæti í úrvalsliði umferðarinnar eins og Sverrir Ingi sem átti frábæran leik í vörn Midtjylland sem vann FCK, 2-1, í mikilvægum leik í titilbaráttunni.

Stefán Teitur er í liðinu í fjórða sinn á þessu tímabili en Sverrir í annað sinn.