Alex Freyr Hilmarsson svaraði spurningum frá Tryggva Guðmundssyni eftir tap ÍBV á heimavelli gegn Víkingi R. í Bestu deildinni í dag.
Lestu um leikinn: ÍBV 0 - 2 Víkingur R.
Tryggvi spurði Alex Frey út í hornspyrnutaktík ÍBV þar sem hann furðaði sig á því að Eyjamenn hafi ekki nýtt vindinn betur.
„Það er vont að tapa og vont að gefa þessi mörk. Við þurfum að vera beittari fram á við. Það var ekki uppsett að sparka á móti vindinum í hornum, við erum með nokkrar útgáfur og eins og þú bersýnilega kemur inná þá völdu menn vitlaust," sagði Alex Freyr, sem var að spila sinn þriðja deildarleik á tímabilinu eftir að hafa tognað aftan í læri í apríl.
„Ég er í nokkuð góðu standi, það er tröppugangur í þessu. Þetta bætir nokkrum metrum á tankinn."
Alex viðurkenndi að gengi liðsins hefur ekki verið nægilega gott á upphafi tímabils og vonast til að sóknarmennirnir Omar Sowe og Hermann Þór Ragnarsson komi aftur úr meiðslum í lok mánaðar.
17.05.2026 15:02
Besta deildin: Gylfi skoraði fyrir aftan miðju í Eyjum
