17.05.26 - 17:47
Ívan Guðjón Baldursson
Gylfi Þór: Einn af erfiðari fyrri hálfleikjum sumarsins
Auglýsing
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Gylfi Þór Sigurðsson skoraði glæsilegt mark í sigri Víkings R. á útivelli gegn ÍBV í Bestu deildinni í dag. Misheppnuð hreinsun upp völlinn frá Ara i Haraldsstovu Petersen markverði ÍBV endaði hjá Gylfa Þóri fyrir aftan miðlínuna og þakkaði landsliðsmaðurinn fyrir sig með að setja boltann í netið.
Lestu um leikinn: ÍBV 0 - 2 Víkingur R.
Gylfi var kátur að leikslokum eftir að hafa staðið uppi sem sigurvegari í erfiðum leik. Íslandsmeistararnir eru með 19 stig eftir 7 umferðir á nýju tímabili.
„Þetta var erfiður leikur og sérstaklega fyrri hálfleikurinn, þetta er einn af erfiðari fyrri hálfleikjum sem ég hef spilað í sumar," sagði Gylfi við Tryggva Guðmundsson. Þeir voru báðir hissa á hornspyrnutaktík Eyjamanna í leiknum þar sem þeir virtust ekki nýta aðstæður sem einkenndust af miklum vindi.
„Það var erfitt að spila á móti vindi í fyrri hálfleik og þeir voru smá með yfirhöndina en við héldum rónni og treystum á sjálfa okkur til að vinna leikinn í síðari hálfleik. Sem betur fer þá skoruðum við fyrsta markið í leiknum, þetta hefði annars verið mikið vesen."
Víkingar fóru í tæplega 6 klukkustunda siglingu á leið sinni til Vestmannaeyja og fögnuðu þegar þeir fengu fregnir um að siglt yrði til Landeyjahafnar á bakaleiðinni.
„Þetta var erfiður leikur og sérstaklega fyrri hálfleikurinn, þetta er einn af erfiðari fyrri hálfleikjum sem ég hef spilað í sumar," sagði Gylfi við Tryggva Guðmundsson. Þeir voru báðir hissa á hornspyrnutaktík Eyjamanna í leiknum þar sem þeir virtust ekki nýta aðstæður sem einkenndust af miklum vindi.
„Það var erfitt að spila á móti vindi í fyrri hálfleik og þeir voru smá með yfirhöndina en við héldum rónni og treystum á sjálfa okkur til að vinna leikinn í síðari hálfleik. Sem betur fer þá skoruðum við fyrsta markið í leiknum, þetta hefði annars verið mikið vesen."
Víkingar fóru í tæplega 6 klukkustunda siglingu á leið sinni til Vestmannaeyja og fögnuðu þegar þeir fengu fregnir um að siglt yrði til Landeyjahafnar á bakaleiðinni.
TENGT EFNI
Besta deildin: Gylfi skoraði fyrir aftan miðju í Eyjum
Mynd: Fótbolti.net - Hafliði Breiðfjörð
