Kólumbía 0 - 0 Venesúela
Kólumbíu mistókst að vinna sinn annan leik í riðlakeppni Copa America í kvöld er liðið mætti Venesúela.
Venesúela tapaði fyrsta leik sínum 3-0 gegn Brössum en Kólumbía vann Ekvador með einu marki gegn engu.
Kólumbía var miklu sterkari aðilinn í leik kvöldsins og átti 23 marktilraunir að marki Venesúela.
Vörn Venesúela hélt þó út 90 mínúturnar en átti aðeins tvær marktilraunir í öllum leiknum.
Markalaust jafntefli því niðurstaðan en undir lok leiks fékk Luis Diaz að líta breint rautt spjald hjá Kólumbíumönnum.
Athugasemdir