Öll stærstu lið evrópska fótboltans eru á höttunum eftir Joao Neves, 19 ára miðjumanni Benfica og portúgalska landsliðsins.
Paris Saint-Germain, Arsenal, Liverpool og Manchester United eru aðeins nokkur af áhugasömum félögum en það verður ekki ódýrt að kaupa táninginn.
Neves á fjögur ár eftir af samningi sínum við Benfica og neitar portúgalska félagið að selja hann á ódýrara heldur en riftunarákvæðið í samningi hans segir til um.
Ákvæðið hljóðar upp á 120 milljónir evra og því er ljóst að það þarf væna fúlgu fjárs til að festa kaup á þessum miðjumanni.
Neves er varnarsinnaður miðjumaður að upplagi og sinnti hann lykilhlutverki fyrir Benfica á nýliðnu tímabili.
Hann á 7 leiki að baki fyrir portúgalska landsliðið þrátt fyrir ungan aldur og verður spennandi að fylgjast með honum á EM í sumar, sem er farið af stað með miklum látum.
Neves var algjör lykilmaður í yngri landsliðum Portúgala og spilaði 27 leiki fyrir þau. Flestir lék hann fyrir U19 og U21 landsliðin, verandi þó tveimur árum yngri en liðsfélagarnir sínir.
Athugasemdir