Damir horfði á Blika sigra Egnatia á þriðjudag.
Félagaskiptaglugginn opnaði í dag og Damir Muminovic fær leikheimild með Breiðabliki á morgun eftir veru sína hjá DPMM í Brúnei þar sem hann spilaði fyrri hluta ársins. Hann spilaði síðast í lok maí.
Miðvörðurinn er mættur aftur í Kópavoginn og mögulega gat endurkoma hans ekki komið á betri tíma því Breiðablik hóf á þriðjudag þétt leikjaprógramm; liðið spilar að óbreyttu í Evrópu og í deild næstu sex vikurnar.
Miðvörðurinn er mættur aftur í Kópavoginn og mögulega gat endurkoma hans ekki komið á betri tíma því Breiðablik hóf á þriðjudag þétt leikjaprógramm; liðið spilar að óbreyttu í Evrópu og í deild næstu sex vikurnar.
Næsti leikur er gegn Vestra á laugardag og þá vill svo til að Ásgeir Helgi Orrason, sem hefur staðið sig með mikilli prýði í hjarta varnarinnar hjá Breiðabliki, verður í banni. Arnór Gauti Jónsson, sem hefur leyst af í miðverði, verður einnig í banni, svo líklegt verður að teljast að Damir komi beint inn í liðið og spili við hlið Viktors Arnar Margeirssonar.
Hægri bakvörðurinn Valgeir Valgeirsson verður líka í banni hjá Breiðabliki gegn Vestra þegar liðin mætast á Kópavogsvelli klukkan 14:00 á laugardag. Daginn eftir heldur Breiðablik til Póllands og spilar svo við meistarana í Lech Poznan á þriðjudag.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Valur | 21 | 12 | 4 | 5 | 52 - 33 | +19 | 40 |
| 2. Víkingur R. | 21 | 11 | 6 | 4 | 40 - 27 | +13 | 39 |
| 3. Stjarnan | 21 | 11 | 4 | 6 | 41 - 34 | +7 | 37 |
| 4. Breiðablik | 20 | 9 | 6 | 5 | 36 - 31 | +5 | 33 |
| 5. FH | 21 | 8 | 5 | 8 | 39 - 33 | +6 | 29 |
| 6. Fram | 21 | 8 | 4 | 9 | 30 - 29 | +1 | 28 |
| 7. ÍBV | 21 | 8 | 4 | 9 | 23 - 27 | -4 | 28 |
| 8. Vestri | 21 | 8 | 3 | 10 | 22 - 24 | -2 | 27 |
| 9. KA | 21 | 7 | 5 | 9 | 25 - 38 | -13 | 26 |
| 10. KR | 21 | 6 | 6 | 9 | 42 - 44 | -2 | 24 |
| 11. Afturelding | 21 | 5 | 6 | 10 | 28 - 36 | -8 | 21 |
| 12. ÍA | 20 | 5 | 1 | 14 | 20 - 42 | -22 | 16 |
Athugasemdir
