Byrjunarlið Aftureldingar og KA: Þrír í banni hjá Aftureldingu

Magnús Már Einarsson þjálfari Aftureldingar gerir fjórar breytingar á sínu liði sem tapaði 2-1 fyrir KR í síðustu umferð. Elmar Kári Enesson Cogic, Bjartur Bjarmi Barkarson og Hrannar Snær Magnússon eru allir í leikbanni. Gunnar Bergmann Sigmarsson sest á bekkinn. Inn fyrir þá koma Bjarni Páll Linnet Runólfsson, Aron Jónsson, Þórður Gunnar Hafþórsson og Aketchi Luc-Martin Kassi.

Hallgrímur Jónasson þjálfari KA gerir tvær breytingar á sínu liði sem vann ÍBV 1-0 í síðustu umferð. Rodrigo Gomes Mateo og Mikael Breki Þórðarson fá sér sæti á bekknum. Marcel Ibsen Römer og Bjarni Aðalsteinsson koma inn fyrir þá.