Ítalskir fjölmiðlar segja hann vera of þungan en það er klárt mál að eitthvað virðist vera að angra sóknarmanninn.

Hér fyrir neðan er hægt að sjá myndband frá æfingu Juve í dag þar sem Higuain náði ekki til knattarins.

Argentínumaðurinn brást furðulega illa við. Hann hjólaði í nærliggjandi þjálfara og réðst svo á auglýsingaborða af mikilli reiði.

Liðsfélagar hans náðu að róa hann niður en þetta ýtir stoðum undir þá orðróma að Higuain sé ekki alveg klár í slaginn með Ítalíumeisturunum margföldu.