Fotbolti.net
17.10.14 - 16:42
Elvar Geir Magnússon

Bjarni Guðjóns hættur með Fram (Staðfest)

Aðalsteinn Aðalsteinsson er talinn líklegastur til að taka við Fram af Bjarna Guðjónssyni.

Aðalsteinn Aðalsteinsson er talinn líklegastur til að taka við Fram af Bjarna Guðjónssyni.

Canon

Mynd: Fótbolti.net

Framarar hafa staðfest að Bjarni Guðjónsson sé hættur þjálfun liðsins en aðstoðarmaður hans, Úlfur Blandon, lætur einnig af störfum.

Ekki er tilkynnt um hver muni taka við Frömurum en Aðalsteinn Aðalsteinsson sem starfað hefur við þjálfun yngri flokka félagsins er talinn líklegastur til að taka við liðinu sem féll úr Pepsi-deildinni síðasta sumar.
Af heimasíðu Fram:
Samkomulag hefur náðst milli Knattspyrnudeildar Fram og Bjarna Guðjónssonar um að hann hætti störfum sem þjálfari meistaraflokks félagsins.

Við fall í 1. deild breyttust fjárhagslegar forsendur samnings knattspyrnudeildar Fram og Bjarna og var það sameiginleg ákvörðun beggja aðila að hætta samstarfinu. Fram þakkar Bjarna Guðjónssyni og Úlfi Blandon aðstoðarþjálfara, sem jafnframt lætur af störfum fyrir félagið, ánægjulegt samstarf og óskar þeim alls hins besta í framtíðinni.

Stjórn knattspyrnudeildar hefur þegar hafið leit að eftirmanni Bjarna og stefnir að því að ganga frá ráðningu nýs þjálfara hið fyrsta.

Knattspyrnudeild FRAM
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.