Ashley Cole er mættur aftur til Chelsea, í þetta skiptið sem þjálfari. Hann mun vinna með U15 liði félagsins.
Cole, sem er 38 ára gamall, tilkynnti það í september að skórnir væru komnir upp á hillu
Cole átti magnaðan leikmannaferil, hann var frábær vinstri bakvörður sem lék fyrir Arsenal, Crystal Palace Chelsea, Roma, LA Galaxy og Derby County.
Cole vann ensku úrvalsdeildina þrisvar á ferlinum, tvisvar með Arsenal og einu sinni með Chelsea. Hann vann FA-bikarinn sjö sinnum þá vann hann Meistaradeild Evrópu og Evrópudeildina með Chelsea.
Hann lék 107 leiki fyrir enska landsliðið.
Núna er hann byrjaður að vinna fyrir Chelsea og á hann að hjálpa til við að gera unga leikmenn tilbúna í að taka stökkið upp í aðallið Frank Lampard.
Akademía Chelsea er mjög sterk og hefur það sést á þessu tímabili. Uppaldir leikmenn eins og Mason Mount, Tammy Abraham, Fikayo Tomori og Callum Hudson-Odoi spila stórt hlutverk í aðalliðinu.
Athugasemdir