Þjóðadeildin í dag - Heimir og félagar mæta Ísrael í Serbíu

Það er vægast sagt athyglisverður leikur í kvöld þar sem Írland og mætast. Mikið hefur verið rætt og ritað um viðureign liðanna en leikmenn héldu kosningu um hvort þeir vildu spila fyrri leikinn og flestir sögðu já.

Fyrri leikur liðanna fór fram í Ungverjalandi en leikurinn í kvöld fer fram í Serbíu. Írsk yfirvöld treysta sér ekki til að hýsa leikinn á írskri grundu.

Írland er í 3. sæti með fjögur stig, eins og Kósovó sem er í 2. sæti. Kósovó fær topplið Austurríkis í heimsókn.

Portúgal getur tryggt sér sæti í úrslitakeppninni með sigri á Noregi. Danmörk heimsækir Wales í sama riðli. Portúgal er með níu stig en öll hin þrjú eru með þrjú stig.

Þýskaland heimsækir Grikkland. Grikkland vann fyrri leikinn en Þýskaland vann fyrsta leikinn undir stjórn Jurgen Klopp gegn Serbíu í síðustu umferð. Serbía heimsækir Holland. Grikkland er með sjö stig, Holland fimm, Þýskaland fjögur og Serbía án stiga.