England um helgina - Man Utd mætir á Anfield

Það er stórleikur í úrvalsdeildinni um helgina þar sem erkifjendurnir Liverpool og Man Utd mætast á Anfield.

Liverpool hefur verið í miklu brasi að undanförnu og tapað þremur leikjum í röð. Tímabilið hefur verið erfitt fyrir United en liðinu hefur ekki tekist að vinna tvo leiki í röð.

Chelsea heimsækir Nottingham Forest í fyrsta leik helgarinnar í hádeginu á morgun. Man City fær Everton í heimsókn. Síðasti leikur morgundagsins er Lundúnaslagur milli Fulham og Arsenal.

Tottenham og Aston Villa mæstast á sunnudaginn áður en stórleikurinn á Anfield hefst. Síðasti leikur umferðarinnar er á mánudagskvöldið þar sem West Ham og Brentford eigast við.