Fotbolti.net
17.11.13 - 21:24
Brynjar Ingi Erluson

Viktor Örn Guðmundsson í Fylki (Staðfest)

Viktor Örn í Fylkistreyjunni í kvöld

Viktor Örn í Fylkistreyjunni í kvöld

Canon

Mynd: Fótbolti.net - Einar Ásgeirsson

Fylkir í Pepsi-deild karla hefur fengið Viktor Örn Guðmundsson frá FH, en Fylkismenn.is greindu frá þessu í kvöld.
Viktor Örn, sem er 24 ára gamall vinstri bakvörður, er uppalinn í FH en hann spilaði sinn fyrsta leik með FH í efstu deild árið 2009.

Hann var lánaður til Víkings R árið 2010 þar sem hann átti gott tímabil og hjálpaði liðinu að komast upp í efstu deild.

Viktor var byrjunarliðsmaður hjá FH-ingum árin 2011 og 2012, en hann spilaði þó lítið í sumar vegna meiðsla. Hann á að baki 60 leiki í deild og bikar fyrir FH og Víking og þá hefur hann skorað 12 mörk í þeim leikjum.

Hann gerði þriggja ára samning við Fylki í kvöld, en hann hefur æft með liðinu að undanförnu. Hann er annar leikmaðurinn sem Fylkir fær til sín, en Gunnar Örn Jónsson samdi við félagið á dögunum.

Heimild: Fylkismenn.is

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.