Virgil van Dijk, fyrirliði hollenska landsliðsins, verður ekki með liðinu gegn Eistlandi á þriðjudag vegna persónulegra ástæðna.
Van Dijk var í vörninni er Holland gerði markalaust jafntefli við Norður-Írland í gær en stigið tryggði hollenska liðinu á Evrópumótið á næsta ári.
Hann verður þó fjarri góðu gamni gegn Eistlandi á þriðjudag en hollenska knattspyrnusambandið greinir frá þessu á heimasíðu sinni.
Hann þurfti að yfirgefa æfingasvæði landsliðsins í snatri vegna persónulegra ástæðna.
Van Dijk er lykilmaður í vörn Liverpool en liðið er á toppnum í ensku úrvalsdeildinni með 34 stig.
Athugasemdir
