Miðjumaðurinn Tiago Fernandes er búinn að semja við Fram en hann lék með Grindavík í Lengjudeildinni á liðnu tímabili.

Tiago kom fyrst hingað til lands árið 2018 og lék tvö tímabil með Fram. Hann lék síðan alla leikina með Grindavík í Lengjudeildinni á síðustu leiktíð.

Þessi 26 ára gamli leikmaður hefur leikið 83 leiki með Fram og Grindavík og skorað 7 mörk.

Hann leikur með Fram í efstu deild á næsta ári en liðið vann sannfærandi sigur í Lengjudeildinni á liðnu tímabili.