Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 18. janúar 2021 09:24
Magnús Már Einarsson
Árni Vill á leið í rússneska boltann
Mynd: Fótbolti.net - Hafliði Breiðfjörð
Sóknarmaðurinn Árni Vilhjálmsson er mættur til Rússlands á reynslu hjá Krylia Sovetov Samara.

Líklegt þykir að Árni semji við Krylia en félagið er í leit að framherja þar sem Yegor Golenkov er á leið til Rostov.

Krylia er í 2. sæti í B-deildinni í Rússlandi og í harðri baráttu um að fara upp í efstu deild.

Tvö efstu liðin fara upp en liðin í þriðja og fjórða sæti fara í umspil. Krylia er stigi á undan þriðja sætinu og tveimur á undan fjórða sætinu. 26 umferðum er lokið af 42.

Hinn 26 ára gamli Árni hefur verið félagslaus síðan hann fór frá Kolos Kovalivka í Úkraínu síðastliðið sumar.

Árni, sem er uppalinn hjá Breiðabliki, hefur einnig leikið með Termalica Nieciecza í Póllandi, Chornomorets Odesa í Úkraínu, Lilleström í Noregi og Jonköpings í Svíþjóð.
Athugasemdir
banner
banner
banner
banner
banner