Sveinn Óli, Páll Viðar og Jóhann Helgi.
Sveinn Óli hefur leikið með Magna frá 2015.
Varnarmaðurinn sterki Sveinn Óli Birgisson gekk til liðs við Þór í dag og á sama tíma framlengdi Jóhann Helgi Hannesson samning sinn við félagið.
Sveinn Óli hóf meistaraflokksferilinn hjá Þór og fyrsti leikurinn kom í september 2007 í útileik gegn Fjölni. Sveinn Óli kom inná sem varamaður fyrir Kristján Sigurólason á 80. mínútu.
Á árunum 2007-2010 spilaði Sveinn Óli 21 leik fyrir Þór í deild og bikar, en árið 2011 gekk hann til liðs við Dalvík/Reyni. Hann gekk svo til liðs við Magna sumarið 2015 og þar lék hann stórt hlutverk með Grenvíkingum. Alls á Sveinn Óli 173 meistaraflokksleiki að baki.
Sveinn Óli er fæddur 1990 og verður því þrítugur síðar á árinu.
Jóhann Helgi Hannesson er gríðarlega reynslumikill leikmaður og á hann að baki 251 meistaraflokksleiki. Í þeim leikjum hefur hann skorað 67 mörk. Jóhann Helgi, sem er uppalinn Þórsari, er á þrítugasta aldursári.
Ef frá eru taldir þrettán leikir sem hann spilaði með Grindavík sumarið 2018 eru hinir 238 leikir allir hjá Þór.
„Þetta eru sannarlega ánægjuleg tíðindi. Um leið og við bjóðum Svein Óla velkominn heim í Þorpið fögnum við því að Jóhann Helgi skuli ætla taka eitt tímabilið enn fyrir uppeldisfélagið," segir í tilkynningu Þórs.
Þór hafnaði í sjötta sæti 1. deildar karla á síðasta tímabili. Eftir tímabilið tók Páll Viðar Gíslason við liðinu af Gregg Ryder.
Komnir:
Aðalgeir Axelsson frá Tindastóli (var á láni)
Bergvin Jóhannsson frá Magna
Elvar Baldvinsson frá Völsungi
Guðni Sigþórsson frá Magna (var á láni)
Izaro Abella Sanchez frá Leikni F.
Jón Óskar Sigurðsson frá Tindastóli (var á láni)
Ólafur Aron Pétursson frá KA
Sveinn Óli Birgisson frá Magna
Farnir:
Alexander Ívan Bjarnason í Magna
Aron Elí Sævarsson í Val (var á láni)
Ágúst Þór Brynjarsson í Magna
Ármann Pétur Ævarsson hættur
Dino Gavric til Króatíu
Nacho Gil í Vestra
Rick Ten Voorde í Víking R. (var á láni)
Tómas Örn Arnarson í Magna (á láni)
Athugasemdir
