Kantmaðurinn Crysencio Summerville er eftirsóttur af liðum í ensku úrvalsdeildinni og hefur Brighton sett sig í samband við Leeds United varðandi möguleg félagaskipti.
Stórlið á borð við Liverpool og Chelsea hafa verið að fylgjast með Summerville, sem er 22 ára gamall og leikur sem vinstri kantmaður að upplagi.
Summerville á tvö ár eftir af samningi sínum við Leeds en hann kom að 31 marki með beinum hætti í 49 leikjum á síðustu leiktíð.
Summerville býr einnig yfir reynslu úr ensku úrvalsdewildinni, eftir að hann skoraði fjögur mörk og gaf tvær stoðsendingar á 1500 mínútum er Leeds féll tímabilið 2022-23.
Summerville er hollenskur og á 37 leiki að baki fyrir yngri landsliðin.
Athugasemdir