Fotbolti.net
18.08.21 - 13:00
Elvar Geir Magnússon

Chelsea framlengir við Batshuayi og lánar hann til Besiktas (Staðfest)

Michy Batshuayi.

Michy Batshuayi.

Canon

Mynd: Getty Images

Belgíski sóknarmaðurinn Michy Batshuayi skrifaði í dag undir nýjan samning við Chelsea og er nú búndinn félaginu til 2023.

Í kjölfarið var hann svo lánaður til tyrkneska félagsins Besiktas út yfirstandandi tímabil. Hann hefur staðist læknisskoðun og gæti spilað sinn fyrsta leik fyrir Besiktas á laugardag.
Batshuayi hefur skorað 25 mörk í 77 leikjum fyrir Chelsea.

Frægasta markið kom í maí 2017 þegar hann skoraði gegn West Bromwich Albion og innsiglaði fimmta enska meistaratitil Chelsea.

Hann hefur verið lánaður til Borussia Dortmund, Valencia og í tvígang til Crystal Palace. Hann skoraði tvö mörk í 18 leikjum fyrir Palace á síðasta tímabili.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.