Farið var með Steven Allen, stuðningsmann Liverpool, á spítala í Napólí í hálfleik í leik Napoli og Liverpool í gærkvöldi.
Bullur úr röðum Napoli réðust að Allen þar sem hann sat á bar en hann hélt áfram leið sinni og fór á San Paolo leikvanginn með opið höfuðsár.
Í hálfleik var blóðmissirinn orðinn það mikill að það leið yfir Allen og hann sendur á spítala.
Heimamenn í Napólí hafa verið til talsverðra vandræða fyrir leik liðanna en það eru ekki liðnir 18 mánuðir síðan bullur úr röðum Roma sendu Sean Cox, stuðningsmann Liverpool, á spítala. Cox fór í dá og óljóst hvort hann geti nokkurn tímann náð fullum bata.
Athugasemdir
