19.01.13 - 11:40
Brynjar Ingi Erluson
Edvard Börkur í Tindastól (Staðfest)
Edvard Börkur er kominn aftur á Krókinn
Mynd: Valgeir Kárason
Edvard Börkur er kominn aftur á Krókinn
Mynd: Valgeir Kárason
Edvard Börkur Óttharsson, leikmaður Vals, er genginn í raðir Tindastóls á láni út tímabilið en þetta kemur fram á vefsíðu félagsins.
Edvard, sem er 20 ára gamall varnarmaður, var besti leikmaður Tindastóls á síðustu leiktíð þar sem liðið gerði góða hluti í fyrstu deildinni.
Í kjölfarið gekk Edvard Börkur til liðs við sitt gamla félag Val á nýjan leik síðastliðið haust en hann lék með félaginu í yngri flokkunum.
Hann hefur nú ákveðið að flytja búferlum alfarið norður á Sauðárkrók og gengið hefur verið frá lánssamningi út tímabilið.
Edvard spilaði sinn fyrsta leik fyrir Tindastól í 1-0 tapi gegn Haukum í gær í Fótbolta.net mótinu, en ljóst er að þetta kemur til með að styrkja liðið mikið fyrir komandi sumar.
Í kjölfarið gekk Edvard Börkur til liðs við sitt gamla félag Val á nýjan leik síðastliðið haust en hann lék með félaginu í yngri flokkunum.
Hann hefur nú ákveðið að flytja búferlum alfarið norður á Sauðárkrók og gengið hefur verið frá lánssamningi út tímabilið.
Edvard spilaði sinn fyrsta leik fyrir Tindastól í 1-0 tapi gegn Haukum í gær í Fótbolta.net mótinu, en ljóst er að þetta kemur til með að styrkja liðið mikið fyrir komandi sumar.
Heimild: Heimasíða Tindastóls
