Verður Szoboszlai framtíðarfyrirliði Liverpool?

Það hefur verið mikið rætt um Szoboszlai að undanförnu þar sem hann er búinn að vera besti leikmaður Liverpool á tímabilinu hvort sem hann spilar á miðjunni, sem bakvörður eða í sóknarlínunni.

Liðsfélagar hans og þjálfari eru yfir sig hrifnir af Ungverjanum sem er í viðræðum við Englandsmeistarana um nýjan samning. Núverandi samningur hans við félagið rennur út sumarið 2028.

TENGT EFNI15.02.26 - 20:00

Salah og Slot sammála: Szoboszlai einn af þeim bestu

Szoboszlai hefur verið orðaður við spænska stórveldið Real Madrid og segir Marco Rossi, landsliðsþjálfari hans í Ungverjalandi, að leikmanninn dreymi um að spila fyrir Real.

TENGT EFNI14.02.26 - 23:30

Szoboszlai dreymir um Real Madrid

„Það er þjálfarinn sem þarf að taka þessa ákvörðun, en jú. Hann er augljóslega búinn að vera mjög góður og þetta er leikmaður sem ég held að geti tekið næsta skref í áttina að því að verða leiðtogi fyrir þetta lið," sagði Van Dijk þegar hann var spurður hvort Szoboszlai kæmi til greina sem framtíðarfyrirliði Liverpool.

„Þetta byrjar allt á því að sýna gott fordæmi og hann hefur verið að gera það á tímabilinu. Það er samt margt annað sem þarf til að vera góður fyrirliði og vonandi verður hann mikilvægur leikmaður fyrir Liverpool næstu árin."

Liverpool keypti Szoboszlai úr röðum RB Leipzig fyrir 60 milljónir punda sumarið 2023.

Umboðsmaður leikmannsins þvertekur fyrir alla orðróma og hefur sagt að skjólstæðingur sinn sé ekki að leitast eftir því að skipta um félag.