Kolbeinn Sigþórsson hefur farið vel af stað á nýju tímabili í Svíþjóð. Hann var í byrjunarliði Gautaborgar í dag og skoraði bæði mörkin í 2-0 sigri gegn gömlu liðsfélögum sínum í AIK.
Kolbeini gekk ekki vel að skora á tíma sínum hjá AIK þó hann hafi verið mikilvægur í spili liðsins.
Í dag setti hann tvö mörk í fyrri hálfleik, það fyrra eftir gott hlaup innfyrir vörnina og það seinna eftir flotta takta innan vítateigs.
Mörkin má sjá hér fyrir neðan en Gautaborg er með fjögur stig eftir tvær umferðir.
Athugasemdir