Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 19. maí 2020 09:00
Magnús Már Einarsson
Koulibaly til Manchester United eða Liverpool?
Powerade
Kalidou Koulibaly
Kalidou Koulibaly
Mynd: Getty Images
Ensku slúðurblöðin halda áfram að skoða kjaftasögur fyrir sumarið. Kíkjum á það helsta!



Jens Nowotny, fyrrum landsliðsmaður Þýskalands, hefur sagt Kai Havertz (20) miðjumanni Leverkusen að hafna tilboði frá Liverpool. (Goal)

Juventus gæti selt nokkra leikmenn í sumar vegna kórónaveirunnar. Þar á meðal eru miðjumaðurinn Miralem Pjanic (30) og framherjinn Gonzalo Higuain (32). (Daily Mail)

Dries Mertens (33) er tilbúinn að gera nýjan samning við Napoli þrátt fyrir áhuga frá Chelsea. (Fabrizio Romano)

Barcelona ætlar að reyna að fá Pjanic og Lautaro Martinez (22) framherja Inter. (Mundo Deportivo)

Manchester United ætlar að reyna aftur við varnarmanninn Kalidou Koulibaly (28) hjá Napoli eftir að hafa heyrt af áhuga Liverpool á leikmanninum. (Daily Express)

Loris Karius (26) mun ekki snúa aftur til æfinga hjá Liverpool í dag þrátt fyrir að lánssamningi hans hjá Besiktas hafi verið rift á dögunum. (Daily Star)

Valentino Lazaro (24), sem er í láni hjá Newcastle frá Inter, er að bíða eftir að heyra fréttir með framtíð sína. (Newcastle Chronicle)

Manchester United ætlar að kalla markvörðinn (23) Joel Pereira strax til baka úr láni frá Hearts eftir að keppni var hætt í skosku úrvalsdeildinni. (Manchester Evening News)

Wolves hefur framlengt samning sinn við markvörðinn John Ruddy (33). (Birimingham Mail)

Frank Lampard, stjóri Chelsea, vonar að samningslausir leikmenn liðsins klári tímabilið þrátt fyrir að samningar þeirra renni út 30. júní. Þetta á meðal annars við um Willian (31) og Olivier Giroud (33). (Chelsea)

Lampard hafnaði því að taka við Ipswich á sínum tíma þar sem félagið átti lítið af pening. (Sun)
Athugasemdir
banner
banner
banner
banner