Fotbolti.net
19.07.14 - 06:00
Hafliði Breiðfjörð

Íris Dögg og Margrét Sveinsdóttir í FH (Staðfest)

Íris Dögg er gengin til liðs við FH.

Íris Dögg er gengin til liðs við FH.

Canon

Mynd: Fótbolti.net - Hafliði Breiðfjörð

Kvennaboltinn
Íris Dögg Gunnarsdóttir sem hefur verið besti markvörður Pepsi-deildar kvenna með Fylki í sumar hefur skipt um lið og spilar með FH út tímabilið.
Íris Dögg hélt hreinu í sex af átta fyrstu leikjum tímabilsins en missti á sætið til landsliðsmarkmannsins Þóru Bjargar Helgadóttur sem gekk til liðs við félagið eftir áralanga dvöl í atvinnumennsku erlendis.

Hún ákvað því að söðla um og er farin á láni til FH út tímabilið. FH er í 8. sæti deildarinnar eftir 9. umferðir með 8 stig. Guðrún Anna Atladóttir aðalmarkvörður FH hefur verið frá vegna meiðsla upp á síðkastið.

FH hefur fengið frekari liðsstyrk því Margrét Sveinsdóttir er komin aftur til félagsins eftir að hafa verið í Danmörku.

Þrír leikmenn eru því komnir í leikmannahópinn frá því félagaskiptaglugginn opnaði en Sandra Sif Magnúsdóttir kom frá Breiðabliki í vikunni.

FH mætir Aftureldingu í deildinni á þriðjudaginn.
Margrét Sveinsdóttir er komin til FH að nýju.

Margrét Sveinsdóttir er komin til FH að nýju.

Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.