Fotbolti.net
19.07.22 - 15:35
Ívan Guðjón Baldursson

Fabio Silva til Anderlecht (Staðfest) - Framlengir við Wolves

Öll fjögur mörk Fabio Silva fyrir Wolves komu í ensku úrvalsdeildinni tímabilið 2020-21.

Öll fjögur mörk Fabio Silva fyrir Wolves komu í ensku úrvalsdeildinni tímabilið 2020-21.

Canon

Mynd: EPA

Belgíska stórveldið Anderlecht hefur verið duglegt að styrkja leikmannahópinn sinn í sumar og var að krækja í framherjann Fabio Silva á eins árs lánssamningi frá Wolves.

Fabio Silva var keyptur til Wolves fyrir metfé sumarið 2020, um 35 milljónir punda, en hefur ekki tekist að láta ljós sitt skína á Englandi þrátt fyrir mikið af tækifærum.

Silva er 20 ára gamall og hefur aðeins skorað 4 mörk í 63 leikjum hjá Wolves. Hann hefur þó verið að raða inn mörkunum með yngri landsliðum Portúgal þar sem hann á 9 mörk í 13 leikjum með U19 og U21 liðunum.

Þessi efnilegi framherji er spenntur fyrir að spila fótbolta í Belgíu og vonast til að öðlast sjálfstraust þar. Markmiðið hjá Silva er að geta hjálpað Úlfunum í framtíðinni og þess vegna framlengdi hann samning sinn við félagið um eitt ár, til 2026.

Anderlecht er þegar búið að krækja í Sebastiano Esposito á lánssamningi frá Inter
ásamt Ishaq Abdulrazak frá Norrköping og Nilson Angulo frá LDU Quito í Ekvador.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.