Fotbolti.net
19.08.20 - 09:35
Elvar Geir Magnússon

Koeman nýr þjálfari Barcelona (Staðfest)

Ronald Koeman á flugvellinum í Barcelona.

Ronald Koeman á flugvellinum í Barcelona.

Canon

Mynd: Getty Images

Barcelona og Ronald Koeman hafa náð samkomulagi um að Hollendingurinn taki við þjálfun liðsins. Samningurinn er til sumarsins 2022.

Í dag verður fréttamannafundur þar sem Koeman verður formlega opinberaður.
Koeman er fyrrum leikmaður Barcelona og varð Evrópumeistari með liðinu. Hann vann fjóra Spánarmeistaratitla í búningnum, þann síðasta 1994.

En nú snýr hann aftur á Nývang sem þjálfari. Hann er með yfir 20 ára reynslu sem stjóri og á átta bikara á ferilskrá sinni í þjálfun.

Hann hefur þjálfað í ensku úrvalsdeildinni, La Liga, Hollandi, Portúgal og lætur nú af störfum sem landsliðsþjálfari Hollands.

Þjálfaraferill Koeman hófst hjá Barcelona. Hann var í þjálfarateymi aðalliðsins og stýrði svo varaliðinu tímabilið 1998-99.

Koeman bíður erfitt verkefni hjá Barcelona. Liðið féll úr leik í Meistaradeildinni með skömm eftir 8-2 tap gegn Bayern München og horfði á Real Madrid vinna Spánarmeistaratitilinn. Liðið þarf á endurnýjun að halda og bak við tjöldin hefur verið ólga. Þetta var fyrsta tímabilið síðan 2007-08 sem er titlalaust hjá félaginu.

Koeman nýr þjálfari Barcelona (Staðfest)
Canon

Mynd: Getty Images

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.