Þrír leikir fóru fram í 2. deild karla í dag. Einum leik var frestað, viðureign Víðis og Kára.

Á Húsavík valtaði topplið Kórdrengja yfir Völsung, 0-6. Þórir Rafn Þórisson skoraði tvö mörk fyrir gestina. Kórdrengir eru á hraðri leið upp í 1. deildina.

Á Selfossi voru heldur betur óvænt úrslit. Gestirnir úr Þrótti voru komnir í 0-4 á 17. mínútu! Hrvoje Tokic minnkaði muninn á 49. mínútu en nær komust Selfyssingar ekki.

Þá sigraði Fjarðabyggð á móti Dalvík/Reyni á Dalvíkurvelli. Lokatölur 1-3 fyrir Fjarðabyggð eftir að gestirnir komust í 0-3.

Kórdrengir eru í topsætinu með 40 stig, sex stigum meira en Þróttur V. sem er í 3. sætinu. Selfoss er í öðru sætinu með 37 stig og Njarðvík er í 4. sætinu með 33 stig. Dalvík/Reynir er í næstneðsta sæti og Völsungur í botnsætinu.