Þrátt fyrir óvissuna sem er í gangi í samfélaginu um Kórónuveirufaraldurinn flautar Þorvaldur Árnason til leiks á Extravellinum í Grafarvogi klukkan 14:00 þegar Fjölnir og KA mætast í Pepsí Max-deild karla.

Fjölnismenn sitja á botni deildarinnar með aðeins fimm stig. Liðið hefur enþá ekki unnið fótboltaleik í sumar. KA menn sitja fyrir leikinn í dag í níunda sæti deildarinnar með fjórtán stig

Ásmundur Arnarsson gerir tvær breytingar í liði sínu frá jafntefli gegn Gróttu í síðustu umferð. Guðmundur Karl Guðmundsson og Jeffrey Monakana byrja í stað Jóhanns Árna Gunnarssonar og Örvars Eggertssonar.

Arnar Grétarsson gerir eina breytingu á lði sínu frá 2-0 sigrinum á Fylkismönnum fyrir norðan í síðustu umferð. Sveinn Margeir Hauksson fékk að líta tvö gul spjöld og tekur út leikbann. Inn í byrjunarliðið kemur Bjarni Aðalsteinsson.

Smelltu hér til að fara í beina textalýsingu