Uppfærð ótímabær Lengjudeildarspá - Nýtt lið á toppnum

Í útvarpsþættinum Fótbolti.net á X977 á laugardaginn var ótímabæra spáin fyrir Lengjudeildina uppfærð. Baldvin Már Borgarsson sérfræðingur þáttarins mætti í hljóðver og skoðaði liðin í annað sinn í vetur, en hann hafði fyrst rýnt og spáð í deildina fyrir rúmum mánuði síðan.

Lengjudeild karla fer af stað 2. maí. Aðeins efsta liðið kemst beint upp. Liðin í sætum 2-4 fara svo í umspil sem lýkur með úrslitaleik á Laugardalsvelli.

Baldvin spáir því núna að Fylkir vinni Lengjudeildina og fari því beint upp aftur, en HK var í efsta sætinu í fyrstu ótímabæru spánni. HK, Keflavík, Njarðvík og Þróttur er spáð umspilssæti.