Áætlanir um stofnun Ofurdeildarinnar hafa mætt mikilli andstöðu og stríðsástand ríkir í fótboltaheiminum. Hótanir, stórar yfirlýsingar og reiði stuðningsmanna hafa verið í umfjöllun fjölmiðla.
Ýmsar sögusagnir eru í gangi en Simon Stone, fréttamaður BBC, segir að Ofurdeildarfélögin ætli að halda áfram á sömu braut. Þau séu ákveðin í því að gera deildina að veruleika.
Ýmsar sögusagnir eru í gangi en Simon Stone, fréttamaður BBC, segir að Ofurdeildarfélögin ætli að halda áfram á sömu braut. Þau séu ákveðin í því að gera deildina að veruleika.
„Ég var að tala við einsakling sem er nátengdur umræddum félögum og hann segir að það sé engan bilbug að finna á þeim sex ensku félögum sem hafa skráð sig í Ofurdeildina," segir Stone.
Stone segir að félögin hafi alveg gert sér grein fyrir því að Ofurdeildin fengi mikla neikvæða umræðu.
„Þessi félög telja að áætlanirnar hafi verið hugsaðar út í gegn og eru sannfærð um að fótboltinn hagnist á þeim. Félögin eru núna að bíða af sér storminn."
„Svo er hugsunin að funda með FIFA, UEFA og öðrum hagsmunaaðilum um áætlanirnar. Félögin vilja vinna með yfirvöldum en ekki á móti þeim."
Athugasemdir