Ítalía: Lecce náði í stig gegn Fiorentina

Lecce fékk Fiorentina í heimsókn í fallbaráttuslag í ítölsku deildinni í kvöld. Albert Guðmundsson spilaði klukkutíma í liði Fiorentina en Þórir Jóhann Helgason sat allan tímann á bekknum hjá Lecce.

Fiorentina komst yfir eftir hálftíma leik þegar Jack Harrison, lánsmaður frá Leeds, skoraði með góðu skoti í fjærhornið úr teignum.

Lecce var með öll völd á vellinum í seinni hálfleik og náði loksins að jafna metin þegar Tiago Gabriel skoraði með skalla eftir hornspyrnu frá Antonio Gallo og bjargaði stigi fyrir Lecce.

Lecce er í 18. sæti með 28 stig, jafn mörg stig og Cremonese sem er í öruggu sæti. Fiorentina er í 15. sæti með 36 stig.