Fotbolti.net
20.06.19 - 11:00
Arnar Daði Arnarsson

Cloé Lacasse komin með íslenskan ríkisborgararétt (Staðfest)

Cloé Lacasse er komin með íslenskan ríkisborgararétt.

Cloé Lacasse er komin með íslenskan ríkisborgararétt.

Canon

Mynd: Fótbolti.net - Hafliði Breiðfjörð

Kvennaboltinn
Cloé Lacasse leikmaður ÍBV er komin með íslenskan ríkisborgararétt en málið var samþykkt á Alþingi í gær og en Cloé er fædd árið 1993 í Kanada.

Cloé hefur leikið með ÍBV undanfarin fimm tímabil og hefur slegið í gegn í Vestmannaeyjum. Hún hefur skorað 59 mörk í 86 leikjum með ÍBV í efstu-deild og í bikarkeppni KSÍ, þar af 50 mörk í 73 leikjum í efstu deild.
Alls­herj­ar- og mennta­mála­nefnd Alþing­is lagði til að Cloé Lacasse öðlist ís­lensk­an rík­is­borg­ara­rétt. Cloé var ein af 32 sem nefndin lagði til með að veitt yrði ríkisborgararéttur og í gær var málið tekið fyrir á Alþingi.

54 þingmenn sögðu já, þeir Bergþór Ólason og Sigmundur Davíð Gunnlaugsson greiddu ekki atkvæði og þá voru sjö aðrir þingmenn fjarstaddir.

Cloé ræddi um ríkisborgararéttinn í viðtali á Fótbolta.net árið 2017 þar sem hún sagði að það yrði heiður að fá tækifæri til að spila með íslenska landsliðinu.

Cloé hefur þrívegis verið í úrvalsliði umferðarinnar í sumar. Hún hefur verið lykilmaður hjá ÍBV liðinu síðan kom til félagsins. Hér að neðan má sjá þá Bergþór Ólason og Helga Hrafn Gunnarsson taka til máls á Alþingi í gær þegar atkvæðagreiðslan fór fram.

Bergþór Ólason, Miðflokknum


Helgi Hrafn Gunnarsson, Pírati
Cloé Lacasse komin með íslenskan ríkisborgararétt (Staðfest)
Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.