Malen, Maguire, Rashford, Greenwood, Yoro, Eriksen og fleiri góðir í slúðri dagsins
   sun 20. júní 2021 20:00
Guðmundur Aðalsteinn Ásgeirsson
Kallað eftir lækni úr stúkunni á Kópavogsvelli
Jason Daði Svanþórsson.
Jason Daði Svanþórsson.
Mynd: Fótbolti.net - Hafliði Breiðfjörð
Það sló grafarþögn á Kópavogsvöll er Jason Daði Svanþórsson féll til jarðar eftir rúmlega hálftíma leik gegn FH í Pepsi Max-deildinni.

Jason Daði virtist grípa um brjóstkassann og lagðist hann svo niður í jörðina.

„Það sem sást í útsendingunni var þannig að Jason Daði var að skokka til baka eftir að hafa misst boltann og svo hægir hann á sér og virðist vera að missa andann eða finnur fyrir einhversskonar eymslum í brjóstkassanum og svo leggst hann bara niður og þurfti svo aðstoð," sagði Arnar Laufdal Arnarsson í beinni textalýsingu frá leiknum sem má nálgast hérna.

Jason var færður í hliðarlegu og svo var kallað eftir lækni úr stúkunni í gegnum hátalarakerfið.

Jason virtist ekki missa meðvitund en hann var svo að lokum borinn af velli. Það var hringt á sjúkrabíl fyrir þennan gríðarlega efnilega leikmann og vonandi fer allt vel.

Fótbolti.net sendir honum baráttukveðjur.

Uppfært 20:06: Jason er farinn af Kópavogsvelli með sjúkrabíl.
Athugasemdir
banner
banner
banner
banner