„Gaman að sjá hvað það er mikill stígandi í hennar leik"

Sandra María sneri aftur heim á Akureyri fyrir tímabilið eftir að hafa leikið í þrjú tímabil með Bayer Leverkusen í Þýskalandi.

Hún eignaðist sitt fyrsta barn á síðasta ári. „Það er skemmtilegt að sjá Söndru Maríu koma aftur, mjög gaman að sjá það,” sagði landsliðskonan Áslaug Munda Gunnlaugsdóttir í Heimavellinum á dögunum þegar rætt var um frammistöðu Þórs/KA í sumar.

Sandra María Jessen er að koma virkilega sterkt til baka efir að hafa eignast sitt fyrsta barn. Hárrétt skref hjá henni að taka slaginn heima á 🇮🇸, ná sér í góðar mínútur og hjálpa Þór/Ka aftur í rétta átt áður en hún fer vonandi aftur út í atvinnumennsku. #fotboltinet

— Orri Rafn Sigurdarson (@OrriRafn) June 1, 2022

„Það er frábært að fá hana í deildina og gaman að sjá hvað það er mikill stígandi í hennar leik,” bætti Elísa Viðarsdóttir, fyrirliði Vals og landsliðskona, við.

Sandra María, sem er 27 ára, er næst markahæst í deildinni með sex mörk í tíu leikjum. Hún hefur reynst mjög mikilvæg fyrir Þór/KA það sem af er tímabili.

Hún á að baki 31 A-landsleik fyrir Ísland og í þeim hefur hún skorað sex mörk.

Hægt er að hlusta á Heimavöllinn í heild sinni í spilaranum hér fyrir neðan.