Jose Mourinho, stjóri Roma, hefur verið sakaður vanvirðingu í garð kvennaliðs Tottenham á Englandi.
Mourinho var stjóri Tottenham á síðustu leiktíð en hann var rekinn í apríl síðastliðnum.
Beth Fisher, fjölmiðlakona ITV, segist hafa heyrt leiðinlega sögu af Mourinho frá æfingasvæði Tottenham frá tveimur mismunandi heimildarmönnum.
„Heyrði frá tveimur mismunandi heimildarmönnum að þegar Mourinho var hjá Tottenham hafi hann viljað hafa kvennalið Tottenham fjærst á æfingavellinum svo hann hafi ekki þurft að heyra í þeim," skrifar Fisher á Twitter.
„Eitt dæmi af mörgum þar sem komið er fram við konur með algjöru virðingarleysi í íþróttum, samanborið við karla."
Karla- og kvennalið Tottenham æfa á sama æfingasvæði.
Mourinho tók við sem stjóri ítalska félagsins Roma eftir að hann var rekinn frá Tottenham.
Heard from two separate sources now that when Mourinho was at Tottenham he wanted the women to train on the furthest side of the training pitch so “he didn’t have to hear them”.
— Beth Fisher (@BethFisherSport) July 19, 2021
One example of many where women are being treated with total disrespect in sport compared to men.
Athugasemdir