Barrenechea er samningsbundinn Aston Villa til 2029 en verður líklegast seldur til Benfica á næstu leiktíð.
Portúgalska stórveldið Benfica er búið að staðfesta komu Enzo Barrenechea til sín á lánssamningi frá Aston Villa sem gildir út keppnistímabilið.
Barrenechea er 24 ára varnarsinnaður miðjumaður frá Argentínu sem gerði flotta hluti á láni hjá Valencia á síðustu leiktíð. Hann var búinn að vinna sér inn sæti í byrjunarliðinu og orðinn afar mikilvægur hlekkur undir stjórn Carlos Corberán, en spænska félagið gat ekki leyft sér að festa kaup á leikmanninum.
Benfica greiðir 3 milljónir evra fyrir lánssamninginn og getur svo gengið frá kaupum á miðjumanninum fyrir 12 milljónir til viðbótar. Sá kaupmöguleiki verður að kaupskyldu ef ákveðnum skilyrðum verður mætt.
Barrenechea var keyptur til Aston Villa í fyrrasumar sem hluti af kaupverðinu fyrir brasilíska miðjumanninn Douglas Luiz. Hann var aldrei partur af áformum Unai Emery, ekki frekar en Samuel Iling-Junior sem var lánaður til Bologna og Middlesbrough á síðustu leiktíð.
Iling-Junior kom einnig til Villa sem hluti af kaupverðinu fyrir Douglas Luiz síðasta sumar.
Dia 6 - Bem-vindo, Enzo ????
— SL Benfica (@SLBenfica) July 19, 2025
???????? Acompanha o 1.º dia do argentino no nosso Youtube!
Athugasemdir
