Líklegt byrjunarlið Víkings - Ef hann getur staðið í báðar lappir verður hann frammi

Sölvi Geir, þjálfari Víkings, talaði í gær um að nýta augnablikið sem væri með Víkingum eftir fína frammistöðu gegn FH í Bestu deildinni í síðasta leik og góðan sigur gegn Thun síðasta fimmtudag.

Við spáum því að tvær breytingar verði á liði Víkings frá leiknum gegn FH: Aron Elís Þrándarson komi inn fyrir Viktor Örlyg Andrason á miðsvæðinu og Karl Friðleifur Gunnarsson komi inn í hægri bakvörðinn. Viktor kemur að sjálfsögðu til greina í liðið og er kostur i margar stöður á vellinum. Við spáum því að Sölvi kjósti Aron til að fá örlítið meiri hæð og styrk sem gæti nýst í fyrirgjöfum. Ef Karl Friðleifur er ekki klár í slaginn eru Davíð Örn Atlason og Hrannar Snær Magnússon kostir í hægri bakvarðarstöðuna.

Þeir Stígur Diljan og Ármann Ingi hafa spilað nokkuð vel á köntunum í síðustu leikjum en leikmenn eins og Daði Berg og Hrannar Snær gera tilkall í að byrja. Ef Sölvi vill ýta Helga Guðjónssyni á kantinn þá er Sveinn Gísli Þorkelsson líklegur kostur í varnarlínuna. Nikolaj Hansen er markahæsti leikmaður í sögu íslenskra liða í Evrópu og ef hann getur staðið í báðar lappir verður hann frammi.