Leeds sendir miðvörð til Þýskalands (Staðfest)

Bornauw fer til Hamburger SV á lánssamningi eftir að hafa komið við sögu í sautján leikjum á sínu fyrsta tímabili í Leeds.

Bornauw er 27 ára Belgi með fjóra leiki að baki fyrir A-landsliðið eftir að hafa verið lykilmaður upp unglingalandsliðin.

Leeds borgaði um 5 milljónir punda til að kaupa Bornauw í fyrrasumar og hefur HSV kaupmöguleika með lánssamningnum sem hljóðar upp á 3,5 milljónir punda.

Bornauw er samningsbundinn Leeds til 2029.