Sameiginlegt lið Fjarðabyggðar, Hattar og Leiknis F. vann stórsigur á Álftanesi í 2. deild kvenna í dag. Leikið var í Fjarðabyggðarhöllinni.

Jóhanna Lind Stefánsdóttir kom heimakonum á bragðið snemma og var staðan 2-0 í hálfleik eftir mark Sigmundínu Söru Þorgrímsdóttur á 36. mínútu.

Shakira Duncan gerði út um leikinn á 48. mínútu og Jóhanna Lind batt lokahnútinn á 86. mínútu með öðru marki sínu.

Lokatölur 4-0 og er Fjarðab/Höttur/Leiknir komið upp að hlið Grindavíkur í öðru sæti með þessum sigri. Grindavík á þó leik til góða. Álftanes er í fimmta sæti með 17 stig.