Andri Fannar klobbaði markvörðinn

Andri Fannar Baldursson er á mála hjá Bologna á Ítalíu. Í gær byrjaði hann á varamannabekknum hjá U19 ára liði félagsins er Sampdoria kom í heimsókn.

Andri kom inn á í leiknum og skoraði seinna mark liðsins. Markið kom á 68. mínútu og kláraði Andri laglega. Andri fékk góða sendingu í gegn og kláraði vel undir markvörð Sampdoria.

Andri er sautján ára, uppalinn hjá Breiðablik. Hann er hluti af U19 ára landsliði Íslands og lék í báðum æfingaleikjum liðsins sem fram fóru í Finnlandi fyrir rúmri viku.