Besta dæmið um af hverju Brighton er besta rekna félagið

Brighton hefur farið gríðarlega vel af stað á tímabilinu; liðið situr í þriðja sæti, hefur skorað mest og fengið fæst mörk á sig.

„Þegar maður horfir á Brighton sem heild þá er þetta best rekna félagið í enska boltanum," sagði Guðmundur Aðalsteinn Ásgeirsson í þættinum.

„Besta dæmið um það er að þeir hafa verið með þrjá stjóra á undanförnum árum - Graham Potter, Roberto De Zerbi og Fabian Hurzeler - og þeir halda alltaf áfram sömu braut og halda áfram að bæta sig."

Eigandinn Tony Bloom er pókerspilari en hann á líka Hearts í Skotlandi og Union Saint-Gilloise í Belgíu. Öll félögin í hans eigu hafa náð frábærum árangri síðustu ár. Félögin eru með ákveðna leikmannastefnu sem snýst um að kaupa leikmenn með góða tölfræði á góðu verði.

„Íslenskir fótboltasérfræðingar sáu ekki fyrir sér Tómas Bent Magnússon fara í Hearts en Tony Bloom sá það," sagði Haraldur Örn.

„Félagið er drullumerkilegt," sagði Sölvi Haraldsson um Brighton.

Alla umræðuna má hlusta á hér fyrir neðan og á öllum hlaðvarpsveitum.