Topp tíu - Verðmæti þeirra hefur aukist mest á árinu 2020

10. Jude Bellingham (22 milljóna punda aukning) - Þessi 17 ára leikmaður Dortmund er yngsti maðurinn á lista. Verðmæti hans hefur aukist um 980% á árinu!

7. Renan Lodi (22,5 milljóna punda aukning) - Verðmlæti þessa 22 ára vinstri bakvarðar sem Atletico Madrid fékk frá Brasilíu er komið upp í 45 milljónir punda.

7. Lucas Ocampos (22,5 milljóna punda aukning) - Þessi 26 ára leikmaður fann markaskóna hjá Sevilla og hjálpaði liðinu eða vinna enn einn Evrópudeildarmeistaratitilinn.

7. Diego Carlos (22,5 milljóna punda aukning) - Annar leikmaður Sevilla, 27 ára gamall og því elstur á listanum. Hefur blómstrað og var í fyrsta sinn valinn í brasilíska landsliðshópinn nýlega, metinn á 45 milljónir punda.

6. Bukayo Saka (24,3 milljóna punda aukning) - Vann sér inn byrjunarliðssæti hjá Arsenal og farinn að láta að sér kveða með enska landsliðinu. 19 ára gamall og verðmæti hans hefur hækkað um 207,7%!

4. Mason Greenwood (27 milljóna punda aukning) - Fór hamförum undir lok síðasta tímabils en þessi 19 ára leikmaður Manchester United er nú metinn á 45 milljónir punda.

4. Phil Foden (27 milljón punda aukning) - Verðmæti þessa leikmanns Manchester City hefur tvöfaldast og er nú talið 54 milljónir punda.

3. Erling Haaland (31,5 milljóna punda aukning) - Það kemur engum á óvart að norski markahrókurinn sé á listanum. Hefur verið iðinn við kolann í þýsku deildinni. Er metinn á 72 milljónir punda.

2. Ansu Fati (36 milljóna punda aukning) - Þessi 18 ára strákur hefur verið bjartasta ljósið hjá Barcelona. Hefur allt til alls til að verða ofurstjarna og er nú metinn á 72 milljónir punda. Því miður er hann á meiðslalistanum og verður lengi frá.

1. Alphonso Davies (49.50 milljóna punda aukning) - Þvílíkt ár sem þessi ungi leikmaður átti. Hjálpaði Bayern München að taka þrennuna eftirsóttu. Þessi tvítugi strákur er einn besti vinstri bakvörður heimsins í dag og metinn á 72 milljónir punda.