Meistaradeild kvenna: Barcelona með forystu fyrir heimaleikinn

Barcelona er í fínni stöðu eftir sigur á Roma á Ítalíu í 8 liða úrslitum Meistaradeildar kvenna í kvöld.

Barcelona var með öll völd á vellinum en eina mark leiksins kom á 34. mínútu þegar Salma Paralluelo setti boltann í netið með góðu skoti í D-boganum.

Barcelona fékk helling af tækifærum til að bæta við mörkum en allt kom fyrir ekki.

Síðari leikurinn fer fram í Barcelona næsta fimmtudag.