Óskar Smári Haraldsson.
Stjörnunni var spáð 5. sæti deildarinnar af leikmönnum, þjálfurum og forráðarmönnum.
Stjarnan mætir Víkingi í opnunarleik Bestu deildar kvenna á föstudaginn. Stjarnan fer inn í nýtt tímabil með nýjan mann í brúnni en Óskar Smári Haraldsson tók við liðinu af Jóhannesi Karli Sigursteinssyni.
Snæbjört Pálsdóttir, fréttamaður Fótbolta.net, ræddi við Óskar um komandi tímabil á kynningarfundi Bestu deildarinnar í hádeginu í dag.
Snæbjört Pálsdóttir, fréttamaður Fótbolta.net, ræddi við Óskar um komandi tímabil á kynningarfundi Bestu deildarinnar í hádeginu í dag.
Spáð 5. sæti
Hvernig hljómar það?
„Spáin er bara skemmtileg. Það er alltaf gaman þegar leikmenn, þjálfarar og forráðamenn rýna í spilin. Fimmta sætið er bara flott, ég hef alltaf sagt að spár eru eitthvað til að afsanna. Ég held að það sé ekkert launungamál að við stefnum hærra en 5. sætið. Á sama tíma verðum við að gera okkur grein fyrir því að þetta verður jöfn og erfið deild.“
Sá eftirsóttasti
Í leikmannakönnun voru leikmenn spurðir undir hvaða þjálfara þeir vildu helst spila og þar bar Óskar sigur úr býtum.
„Það er viðurkenning. Gífurlega stoltur af því og glaður að sjá það. Ætli ég hafi ekki reynt að fá annan hvern leikmann í deildinni til að spila fyrir mig í Fram. Tekið marga fundi með leikmönnum sem hafa ekki spilað fyrir mig.
Ég er þakklátur og smá meyr. Þú ert með Gylfa Tryggva, bræðurna Guðna og Hlyn og marga fleiri góða kandídata fyrir þessa viðurkenningu. Þetta gladdi mig og gaf mér hlýtt í hjartað,“ sagði Óskar að lokum.
