Sjáðu bak við tjöldin hjá Brighton - Redknapp heimsótti spútnikliðið

Brighton hefur unnið fjóra leiki í röð í ensku úrvalsdeildinni með 15-0 í markatölu. Lið Fabian Hurzeler hefur verið skemmtilegasta lið deildarinnar, sóknarleikurinn hefur verið magnaður en ofan á það hefur varnarleikurinn verið öruggur.

Á Englandi er spurt hvort Brighton geti viðhaldið þessu magnaða gengi og gert atlögu að sjálfum Englandsmeistaratitlinum.

Brighton er annað af tveimur félögum deildarinnar (hitt er Everton) sem hafa komið út í plús í leikmannaviðskiptum undanfarin fimm ár. Félagið er í fararbroddi þegar kemur að því að finna leikmenn, fá þá til að passa inn í liðið og selja þá á mun hærra verði á réttum tíma. Brighton notar greiningar og gögn sem aðalaðferð sína til að skoða leikmenn og þjálfara.

Jamie Redknapp fór í heimsókn til Brighton fyrir Sky Sports og kynnti sér þetta áhugaverða félag betur.