Rodri ekki með gegn Burnley

Manchester City mætir Burnley í ensku úrvalsdeildinni annað kvöld. Liðið vann 2-1 sigur á Arsenal um helgina og með sigri gegn Burnley getur City tillt sér á topp ensku úrvalsdeildarinnar.

Pep Guardiola ræddi um leikinn á blaðamannafundi fyrr í dag.

„Við ræddum strax eftir leikinn gegn Arsenal og lögðum áherslu á að missa ekki einbeitingu. Arsenal er á toppnum eins og staðan er núna og væri meistari ef tímabilið kláraðist í dag.

Þetta var krefjandi leikur, bæði andlega og líkamlega. Á sama tíma eigum við sex leiki eftir. Við vitum nákvæmlega hvað er í húfi, hvort sem við náum úrslitum eða ekki.“