Spánverjinn Isco mun ekki leika með liði Real Madrid á næstu leiktíð en þetta hefur Carlo Ancelotti, stjóri liðsins, staðfest.
„Ferill Isco hjá Real Madrid endar í dag og þessi ferill hefur verið frábær," sagði Ancelotti í gærkvöldi.
„Hann hefði klárlega getað gert meira en hann hefur verið mikilvægur. Ég óska honum alls hins besta."
Isco er þrítugur að aldri en hann samdi við Real fyrir níu árum síðan og lék tæplega 250 deildarleiki.
Isco yfirgefur Real á frjálsri sölu en hvert hann fer næst er óvíst.
Athugasemdir