Fotbolti.net
21.06.19 - 18:30
Elvar Geir Magnússon
Ítalska deildin

Luis Muriel til Atalanta (Staðfest)

Luis Muriel.

Luis Muriel.

Canon

Mynd: Getty Images

Ítalska félagið Atalanta hefur keypt kólumbíska sóknarmanninn Luis Muriel frá Sevilla á 18 milljónir evra.

Muriel, sem er 28 ára, hefur gert fjögurra ára samning og verður í treyju númer 9.

Muriel var seinni hluta síðasta tímabils hjá Fiorentina á láni og skoraði sex mörk í 19 leikjum.

Áður hefur hann spilað fyrir Lecce, Udinese og Sampdoria á Ítalíu.
Sevilla keypti Muriel á metfé sumarið 2017 en hann náði sér ekki á strik í spænska boltanum og skoraði aðeins 13 mörk í 65 leikjum.

Atalanta náði frábærum árangri í ítölsku A-deildinni á liðnu tímabili og verður í Meistaradeildinni næsta vetur.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.